اول تدوينة قررت إنى اكتبها عشان
سؤالين..
السؤال الأول: ليه تقولى رأيك؟
بقول رأيى عشان زهقانة، فقررت ابعد عن
الروتين فى كتابة عن أكتر حاجة بحبها، اللى هى الكتب، متعة أنى ادفس مناخيرى بين
صفحات كتاب قديم واشم ريحة التراب الممزوجة بكلام جميل نفس متعة لما تبقى
صاحى وتشم ريحة القهوة وتجرى جوة خلايا مخك تخليك تصحى ببطئ لذيذ أو تصحى على ريحة
أكلة حلوة، او حتى كتاب جديد.. للكتب روائح مثل البشر، كل كتاب له ريحة لوحده
بتعبر عنه وعن الحروف الموجودة عن صفحاته..
كلام حالم وافلاطونى اوى صح؟..
السؤال التانى: ليه الكتب؟
عشان ابحب الكتب، أكتر حاجة ممكن
تخليك مبسوط لو عشت معاها وركزت فيها، ممكن تخليك تسافر، بتشغل مخيلتك وتتخيل كل
مشهد وكل شخصية على حسب ما تكونها إنت فى دماغك.. إنت اللى بتبنى الشوارع والأحداث
والشخصيات وبتتفاعل معاها.. بتبقى مخرج فيلمك الخاص
الكتب والقراية زى بظبط مثل “حبها
تحبك..” وأكتر شئ بيفصلنى فى الدنيا الكتاب الوحش.. عارف يعنى إيه حد يبقى عنده
فرصة إنه يقول كلام يوصل لناس وعنده قدرة تشغيل دماغ ناس تخليها تفكر ويقرر يكتب
كتاب زى وشه؟
Anyone who says they have only one life to live must not know how to read a book. ~Author Unknown
No comments:
Post a Comment